అలుపన్నది వుందా ఎగిరే అలకు ఎదలోని లయకు?
అదుపన్నది వుందా కలిగే కలకు కరిగే వరకు?
మెలికలు తిరిగే నది నడకలకు?
మరి మరి ఊరికే మది తలపులకు?
లలా లలా లలలలా...
అలుపన్నది వుందా ఎగిరే అలకు ఎదలోని లయకు?
అదుపన్నది వుందా కలిగే కలకు కరిగే వరకు?
నా కోసమే చినుకై కరిగి ఆకాశమే దిగదా ఇలకు?
నా సేవకే సిరులే చిలికి దాసోహమే అనదా వెలుగు?
ఆరారు కాలాల అందాలు బహుమతి కావా నా ఊహలకు?
కలలను తేవా నా కన్నులకు?
లలా లలా లలలలా...
అలుపన్నది వుందా ఎగిరే అలకు ఎదలోని లయకు?
అదుపన్నది వుందా కలిగే కలకు కరిగే వరకు?
నీ చూపులే తడిపే వరకు ఏమైనదో నాలోని వయసు
నీ ఊపిరే తగిలే వరకు ఎటు ఉన్నదో మెరిసే సొగసు
ఏడేడు లోకాల ద్వారాలు తలుపులు తెరిచే తరుణం కొరకు
ఎదురుగా నడిచే తొలి ఆశలకు
లలా లలా లలలలా....
అలుపన్నది వుందా ఎగిరే అలకు ఎదలోని లయకు?
అదుపన్నది వుందా కలిగే కలకు కరిగే వరకు?
మెలికలు తిరిగే నది నడకలకు?
మరి మరి ఊరికే మది తలపులకు?
లలా లలా లలలలా....
No comments:
Post a Comment